25 Mart 2019 Pazartesi

zp tr

Aqyarda Noman Çelebicihannıñ hatırası añıldı

aqyarda-noman-celebicihanni-hatirasi-aildi

Aqyarda Noman Çelebicihannıñ hatırası añıldı
03 Mart 2019 Pazar 14:01

 Aqyarda Noman Çelebicihannıñ hatırası añıldı

Aqyar şeerinde, qırımtatar siyasetçisi, cemaat erbabı, qırımtatar halqı I Qurultayınıñ teşkilâtçısı Qırım, Litvaniya, Poloniya, Aqrusiye müsulmanlarınıñ birinci Müftisi Noman Çelebicihannıñ hatırasına bağışlanğan tedbirler ötkerildi.

Tedbirlerni yerli din cemiyetiniñ, Aqyar Cemaat Palatasınıñ ve şeer memuriyetiniñ, yerli milliy-medeniyet bağımsız müessiseleriniñ vekilleri teşkil etti.

Hatıra tedbiri, Noman Çelebicihannıñ müellifliginde belli olğan “Ant etkenmen!” şiiri esasında yazılğan qırımtatar halqı milliy gimniniñ icrası ile  başlandı.  Qırım Müftisi muavini Ayder İsmailov dua oqudı ve Müfti hacı Emirali Ablayevniñ adından selâmlav sözlerini beyan etti. Ayder İsmailov: “Öz ömürini, tuvğan halqı ve devletiniñ aq-uquqları oğrunda feda etkenler – yalıñız elâk olğanlar degil, şehidlerdir. Quran-ı Kerimde Allah dey ki: “Allah yolunda öldürilgenlerge: “Öldi!”, dep aytmañız. Bilakis, olar Allah qatında rızıqlanmaqtalar”. Bu insanlarnıñ fikirleri, yolu, hatırası – ebediyen yaşaycaqtır. Qırımnıñ parlaq ve çeçekli kelecek hayalları ümütimizni besleycektir. Qırımda bütün halqlar arasındaki barışıq ve dostluq ğayesini – küreşiniñ ğayesi yapqan Noman Çelebicihannıñ hatırasını daima añacaqmız”, dep ayttı.

Tedbir devamında, Naciye Filimonova reberliginde faaliyet köstergen “Ebediyet” bala ve ösmürler ansambliniñ solistleri yırlar, Aqyar mekteplerindeki talebeleri ise Noman Çelebicihannıñ ve diger qırımtatar şairleriniñ eserlerini ifadeli oqudılar.



Resmiy qısmından soñ, iştirakçiler qırımtatarlar milliy bayrağını tutaraq, şeerdeki Noman Çelebicihan barelyefi üzerine gül demetlerini qoydılar. Ayder İsmailov, milliy qaramannıñ yatqan sabıq apishane binası yanında dua oqudı ve: “Facialı vaqialarnıñ tekrarlanmaması içün halqımıznıñ keçmişini unutmamalımız”, dep ilâve etti.

Hatıra tedbirinde, Qırım Cümhuriyeti Başı yanındaki Qırımtatar halqınıñ Milliy Şurası vekilleri de iştirak etti.

QMDİ MDT matbuat merkezi

Haberin etiketleri:

numan çelebicihan


Haber okunma sayısı: 39

Yazdır

YORUM EKLE

Yorum Başlığı

Yorum

YORUMLAR

  • Bu habere henüz yorum yapılmamış. İlk yorum yapan siz olun.

DİĞER HABERLER


ÇOK OKUNANLAR

  • Haber bulunamadı

  • Haber bulunamadı

ANKARA - HAVA DURUMU

ANKARA