12 Aralık 2018 Çarşamba

zp tr

"ŞAİR BOLSAÑ"

YANI DÜNYA GAZETESİ

YANI DÜNYA GAZETESİ

E-Posta : dunya04@mail.ru

"ŞAİR BOLSAÑ"

Seyran SULEYMAN
Şair sağ ekende dünya yüzü körgen er bir yañı kitabına bala kibi quvana. Ya şair ebediy köz yumğan soñ onıñ şiirlerine, kitabına quvanacaqlar barmı? Elbet, sadıq oquyıcıları, şairni yetiştirgen milleti quvanacaq, ruhunı şad etecek.
Bu künlerde Şakir Selimniñ "Şair bolsañ" adlı kitabı neşirden çıqtı. Yap-yañı kitapnıñ cıltındaki aqbardaqlarğa baqıp, şairniñ ta 1970 senesi yazğan ve bir kereden namlı ediplerniñ diqqatını celp etken "Aqbardaq" adlı şiiri aqlıma keldi. Şakir Selimniñ özü de edebiyatımızda aqbardaq misali peyda olıp, şiiriyetimizge yañı küç, yañı nefes, yañı renk ve ses bağışladı.
Şakir Selim sağ ekende özüniñ pişkin ve kesin qaleminen künümizniñ er angi ayatiy meselesine ille seslene edi. Onıñ er bir eserinde, şiirleriniñ er bir satırında Vatan sevgisi, Vatan davası o qadar eyecan ile aks olunır, canım-canım tilimizniñ zenginligi de o qadar ustalıqnen kösterilir eken, olarğa teñ kelgen eserler şimdi aman-aman yazılmay, demek mümkün.
"Şair bolsañ" kitabında müellifniñ icadından nümüneler – çeşit yıllarda yazğan şiirleri, edebiyat ve icat aqqında maqaleleri, Fuzuliniñ "Meyvalar subeti" eseriniñ tercimesi berildi. Kitapnıñ kiriş sözünde professor İsmail Asanoğlu Kerim Şakir Selimniñ icadını ömürimizniñ bediiy-tasviriy entsiklopediyası sıfatında qabul etilmekte, dep yüksek qıymet kese. 
– Onıñ yaratqan bediiy levhaları, obrazları, tasvir etken er bir parçası samimiyligi, sadeligi, saflığı ve añlayışlığınen ayırılıp turmaqtadır. Aqiqiy ustaznıñ özgün ve usta qalemi em şiiriyetinde, em nesirciliginde, em dramaturgiyasında ve em de tercimeciliginde açıq körünmektedir, – dep yaza İsmail oca. 
Moskvada yaşağan vatandaşımız Mustafa Mühteremovnıñ yardımı sayesinde "Dolâ" neşriyatında latin urufatında çıqqan kitapnı filologiya ilimleri namzeti Leniyara Selimova tertip etti. Avrasiya Yazıcıları birliginiñ reisi, ilimler doktorı Yaqub Ömeroğlu ve professor İsmail Kerim kitapnıñ taqrizcileridir.



17 Nisan 2014 Perşembe 14:38
Yazdır

YORUM EKLE

Yorum Başlığı

Yorum

YORUMLAR

  • Bu habere henüz yorum yapılmamış. İlk yorum yapan siz olun.

ÇOK OKUNANLAR

  • Haber bulunamadı

  • Haber bulunamadı

  • Haber bulunamadı

ANKARA - HAVA DURUMU

ANKARA